آذربایجان قادین درگیسی (قادینجا) نین ایلک ساییسی اوچون چاغیریشی
سونونجو يولوموز
اؤلوم يولودور
آماندير
سن
من سيز
بو يولا چيخما
آزربايجان تورک ميللتي تاريخ بويو دموكراسي يؤنونده آپاريلان ساواشلاردا اؤنجول اولاراق اينسانلارا برابرليك قازانماقدا ديرلي آيدين بير گئچميش قازانميش اولان ميللتلردندير. آزربايجان تاريخينين قهرمانلارين بو ميللتين هر دؤنمده( اؤزگور اينسان) ديرلريني اؤنمسه ديگيندن يارانميشدير. اورتا دوغ وبؤلگه لرينين ايللرجه حاقلاري تاپتالانميش ميللتلرينين ديكتاتورلوغا قارشي باشلاديغي حركتلره ياناشي، آزربايجانليلاردا ميللي اينساني حاقلارينينين فاشيست دوشونجه لردن ساولردن ساوينيب الده ائتمك ايچين دئموكراتيك دؤشونجه لره سيغيناراق (اؤزگور اينسان) حاقلاريني قازانماق ايسته ييرلر. ديكتاتور دوشونجه لرينين باسقينيندان داها چوخ ازيلديگينده ن دولايي قادين كسيميني اولوشدوران قادين حاقلاريني ساونان حركتلر دئموكراتلاشما سورجلريني ياشايان توپلوملارين تمل اؤزلليكلريندن ساييلير. بؤلگه ده كؤك سالان قادين حركتلري اينسان حاقلاري سيخينتيسينين ائلچيسي اولاراق اوز ميللتلرينين تاپتالانميش حاقلاريني دونيادا اورتايا چيخارماقدا اؤزل كيمليك قازانماقدادير.
بو سورجده آزربايجان قادينلارينين قادين حاقلارينا اؤسته ليك ميللي حاقلارينيندا تاپتالينماسي بؤيوك بير ميللتين ميللي اينساني ازيلديگينين بلگه سيدير.
آزربايجان قادينينين (آزربايجان تورك قاديني) اولدوغوندان اوغراديغي توپلومسال_سياسال باسقينلاريني يانسيتماق ايچين بو گونه قدر یئری بوش اولان بیر قادین درگیسی یایمایا قرار وئردیک. آما ایران ایچریسینده یازیلی و باسیلی درگی سیخینتیلاری اولدوغو اوچون بو درگینین اینترنئت ده یاییلمایسنی پلانلیریق.
البته بو درگینین ایشه باشلاماسی و دوامی اوچون آذربایجان قلم و دوشونجه صاحیبلرینه احتیاجیمیز واردیر. آذربایجان قادینین سوسیال، سیاسال، کولتورل . . . دوروملاری بیزیم ایلگی آلانیمیزدیر. یعنی آذربایجان قادینینی ایلگی لندیرن موضولار حاققیندا دیرلی یازارلاریمیز بیزه یازی یازابیلرلر. البته آذربایجان قادینلارینین اوزه لیکله اویرنجی قادینلارین پایلاشماق ایسته دیکلری موضولارین بو درگی ده اوزل یئری اولاجاقدیر. بو درگینین ایلک ساییسی 21 آذر ایل دونومو مناسیبتی ایله اینترنئت ده یایینلاناجاقدیر. لطفا یازیلارینیزی 15 آذر1388 (5 نوامبر2009) تاریخینه قدر آشاغیداکی آدرئسه گوندرین.
قادینجا ( آذربایجان قادین درگیسی)
qadinca@gmail.com
http://www.qadinca.blogfa.com/
هیچ نظری موجود نیست:
ارسال یک نظر