قادینلار ایکی قروپدولار، قورونانلار و قورونمایانلار. بیرینجی قروپو ماشینلا او یان - بو یانا
آپاریرلار. واختلی واختیندا آرایشگاهدان، استخردن، مکتبدن، ایش یئریندن و… گؤتورورلر. تئلفونلا حالینی خبر آلیرلار. بیردن باشی آغریسا، “بیرآز دینلن مک ایسته ییرسن؟” دئین بیری وار.
ایکینجی قروپون قادینلاری یئلده، یاغیشدا و کولکده ساعاتلارجا اوتوبوس سیراسیندا دورورلار. دفعه لرجه اوتوبوسون گله جه یی یئره باخمایاجاقلارینی دئسه لر ده، بویونلاری ایستر-ایسته مز بیر داها و بیر داها او یؤنه چئوریلیر. گئجه یه قدر او یان-بو یانا قاچیرلار و گئجه “عزیزیم، آغری کسیجی ایسته ییرسن؟” دئین بیری یوخدور.
بیرینجی قروپداکی قادینلارین سسی یومشاقدیر. تئلفونلا دانیشارکن گئرچک یاشلارینی بیلمک چتیندیر. ایکینجی قروپون قادینلاری کوبود و آجی دیرلار. دیشلری تئز چورویور. و هر آن ساچ بویاسینین باهالیغیندان شیکایت چیدیلر.قورونان قادین یئرلی-یئرسیز کیلوسونو اؤلچور، او شیشمیش قارنیندان ناراحاتدیر. ورزش سالونلارینا، سونایا گئدیر… گئجه یئمک یئمیر و بونو بؤیوک بیر لذتله هر یئرده دانیشیر. دوستلارینین آراسیندا چئشیدلی آریخلاما اوصوللارینی پایلاشیرلار و اونلاردان بیرینین پیشیردیگی کئیکی ذؤوقله یئییرلر. ورزش معللیملری اونلارا ائوده ده تمرین ائله مه یی اؤنریر. اونلار ارلریندن ورزش ائله مه ینده اونلاری جریمه ائله مه لرینی ایسته ییرلر.
ضبطه بیر کاسئت سالیرلار. دار بیر پالتار گئییرلر و ائوین بالکونوندا ایپ آتدی اویناییرلار. قارینین ایچری گئتمه سی آنجاق شانسلیلارا اوز گتیرن بیر معجیزه دیر. شانسلی قادین سیررینی آچیقلاییر:” سحر یئمه ییندن قاباق یئریمک.”اونلار بیر-بیریله قرارلاشیرلار و سحر یوخولو گؤزلرله ائولرینه ان یاخین پارکا گئدیرلر. دؤنوشده دویون قارینا بیر یئمک یئییرلر. سونرا دا بیر-بیرلرینه گئجه لری یئمک یئرینه سالاد یئمه یی اؤنریرلر.
ایکینجی قروپون قادینلاری نه صونا تانیییرلار، نه استخر. یاواش - یاواش بوش ممه لر، آسیلمیش قارینلارینا ضررسیز بیر ائو پیشیگی کیمی آلیشیرلار.ساچ اوستاسی قورونان قادینلاری ایلک باخیشدا تانیییر. او، الی آچیقلیلیقلا باغیشلاییر و گیزلی بیر آنلاشمادا، اوندان زامانین اثرلرینی اوزوندن یوخ ائتمه سینی ایسته ییر. اؤزونو آجی بیر لذتله اوستانین اللرینه تاپشیریر. و تزه گؤرونوشونون اینتیظارینی چکیر.قورونمایان قادین مین بیر دیلله، ساچ اوستاسیندان اونو کیشیسی نین ایسته دیگی شکله سالماسینی ایسته ییر. ساچلارینی بویاییر، آما قیسالتمیر. بیر آز غرور و اوتانجلا، ارینین اوزون ساچدان خوشو گلدیگینی سؤیله ییر. ائولی لیکلریندن بیر نئچه ایل سونرا اؤزلرینین ساندیقلاری بیر جسارتله ساچلارینی آلمان مانکنلری کیمی قیسالدیرلار.
بیر قادینین اللریندن اونون هانسی قروپدا اولدوغونو بیلمک اولار. قورونمایان قادینین الینده گؤی رنگلی، شیشمیش دامارلار وار و سوموکلری گؤرونور. بارماقلارینین تکلیکده حرکتی یوخدور. الینین هر طرفی عئینی آندا بئییندن امر آلیر. آما قورونان قادینلارین اینجه بارماقلاری وار. یومشاق و قیوراقدیرلار. الین حرکتینی تکمیل لتمک اوچون سورعتله اونا اویوم ساغلاییرلار. قورونمایان قادینین اللری اطاعت ائدرجه سینه بدنینین کناریندان ساللانیب و هردن یوخاری قالخماق ایسته دیکده سینه سیندن یوخاری قالخمیر. قورونان قادینلار آغیر یئریشلیدیرلر. آما قورونمایان قادینلار یا چوخ یاواش، یا دا چوخ سورعتله یئرییرلر. یا بئللری اَییلیب، یا دا باشلاری بدنلرینه اویومسوز بیر یوکسکلیکده یئر آلیر. اونلارین یئریشلرینین تاماشاچیسی یوخدو. اونلار کیشیلرین سؤز آتمالاریندان لذت آلمیرلار. دقتله، مهریبانلیقلا، عشقله دولو باخیشلارین اونلارا باخمایاجاغینی بیلیرلر.
قورونمایان قادین یا دئیینیر، یا بیر یئره زیلله نیر، یا دا گیجلله نیر. یا قارینقولولوغا باخیر، یا دا اؤزونو بئله تنگه گتیره جک قدر چیلیس لیک ائله ییر. قورونان قادین قوناقلیق توتور، خاریجی سفرلریندن دانیشیر، اورتا یاشلارینی کئچسه ده، سورعتلی بیر رقص ده ائلییه بیلیر. دوستلاری اونو اؤیورلر و بو قدر جاوان قالدیغی اوچون تعجبله نیرلر.قورونمایان قادین اوینامیر. دیرناقلارینی اوزاتماقدا باشاریلی ده ییر. دار بیر کؤینگی وار. او، قیزینا باخیر. اونون اَینینه کسه بیله جکمی؟
قورونان قادین کیشینی تانیییر. اوندان نه زامان و نئجه پول ایستیه جگینی بیلیر. بیر اووچو کیمی کیشی نین ضعیف یئرلرینین پوسقوسوندا یاتیر و اوندان یارارلانیر. قورونمایان قادین اؤزونو ده تانیمیر. و هر زامان ندن او و کیشیسی هئچ نه ییی عئینی آندا ایستمیرلر دئیه، تعجبله نیر. قورونمایان قادین گوناه و وجدان عذابینی دوغولمامیش ائکیزلر کیمی اؤزویله داشیییر. او، اریندن نیگراندیر، او بیریسی ایسه اؤزوندن. هر دفعه چئک-آپ ائله ییر. قان آنالیزینه گئدیر، ساغلامدیر، آنجاق انرژیسی آزالیب. خسته لیک و یاشلیلیق اونو مین اژدهادان داها چوخ قورخودور. آما قورونمایان قادین زامانین کئچمه سینی بیلمیر. دوشنبه یه سه شنبه دئییر، چرشنبه یه پنجشنبه. ارینین اوزونده کی آغ توکلری گؤرور و صاباحی دوشونور.قورونمایان قادین آغلاییر. گؤز یاشلاری بیته جک قدر آغلاییر. قورونان قادین آغلاماق و حوزنون یاری یولوندان حیاتا قاییدیر.
http://bayqush.ca
آپاریرلار. واختلی واختیندا آرایشگاهدان، استخردن، مکتبدن، ایش یئریندن و… گؤتورورلر. تئلفونلا حالینی خبر آلیرلار. بیردن باشی آغریسا، “بیرآز دینلن مک ایسته ییرسن؟” دئین بیری وار.
ایکینجی قروپون قادینلاری یئلده، یاغیشدا و کولکده ساعاتلارجا اوتوبوس سیراسیندا دورورلار. دفعه لرجه اوتوبوسون گله جه یی یئره باخمایاجاقلارینی دئسه لر ده، بویونلاری ایستر-ایسته مز بیر داها و بیر داها او یؤنه چئوریلیر. گئجه یه قدر او یان-بو یانا قاچیرلار و گئجه “عزیزیم، آغری کسیجی ایسته ییرسن؟” دئین بیری یوخدور.
بیرینجی قروپداکی قادینلارین سسی یومشاقدیر. تئلفونلا دانیشارکن گئرچک یاشلارینی بیلمک چتیندیر. ایکینجی قروپون قادینلاری کوبود و آجی دیرلار. دیشلری تئز چورویور. و هر آن ساچ بویاسینین باهالیغیندان شیکایت چیدیلر.قورونان قادین یئرلی-یئرسیز کیلوسونو اؤلچور، او شیشمیش قارنیندان ناراحاتدیر. ورزش سالونلارینا، سونایا گئدیر… گئجه یئمک یئمیر و بونو بؤیوک بیر لذتله هر یئرده دانیشیر. دوستلارینین آراسیندا چئشیدلی آریخلاما اوصوللارینی پایلاشیرلار و اونلاردان بیرینین پیشیردیگی کئیکی ذؤوقله یئییرلر. ورزش معللیملری اونلارا ائوده ده تمرین ائله مه یی اؤنریر. اونلار ارلریندن ورزش ائله مه ینده اونلاری جریمه ائله مه لرینی ایسته ییرلر.
ضبطه بیر کاسئت سالیرلار. دار بیر پالتار گئییرلر و ائوین بالکونوندا ایپ آتدی اویناییرلار. قارینین ایچری گئتمه سی آنجاق شانسلیلارا اوز گتیرن بیر معجیزه دیر. شانسلی قادین سیررینی آچیقلاییر:” سحر یئمه ییندن قاباق یئریمک.”اونلار بیر-بیریله قرارلاشیرلار و سحر یوخولو گؤزلرله ائولرینه ان یاخین پارکا گئدیرلر. دؤنوشده دویون قارینا بیر یئمک یئییرلر. سونرا دا بیر-بیرلرینه گئجه لری یئمک یئرینه سالاد یئمه یی اؤنریرلر.
ایکینجی قروپون قادینلاری نه صونا تانیییرلار، نه استخر. یاواش - یاواش بوش ممه لر، آسیلمیش قارینلارینا ضررسیز بیر ائو پیشیگی کیمی آلیشیرلار.ساچ اوستاسی قورونان قادینلاری ایلک باخیشدا تانیییر. او، الی آچیقلیلیقلا باغیشلاییر و گیزلی بیر آنلاشمادا، اوندان زامانین اثرلرینی اوزوندن یوخ ائتمه سینی ایسته ییر. اؤزونو آجی بیر لذتله اوستانین اللرینه تاپشیریر. و تزه گؤرونوشونون اینتیظارینی چکیر.قورونمایان قادین مین بیر دیلله، ساچ اوستاسیندان اونو کیشیسی نین ایسته دیگی شکله سالماسینی ایسته ییر. ساچلارینی بویاییر، آما قیسالتمیر. بیر آز غرور و اوتانجلا، ارینین اوزون ساچدان خوشو گلدیگینی سؤیله ییر. ائولی لیکلریندن بیر نئچه ایل سونرا اؤزلرینین ساندیقلاری بیر جسارتله ساچلارینی آلمان مانکنلری کیمی قیسالدیرلار.
بیر قادینین اللریندن اونون هانسی قروپدا اولدوغونو بیلمک اولار. قورونمایان قادینین الینده گؤی رنگلی، شیشمیش دامارلار وار و سوموکلری گؤرونور. بارماقلارینین تکلیکده حرکتی یوخدور. الینین هر طرفی عئینی آندا بئییندن امر آلیر. آما قورونان قادینلارین اینجه بارماقلاری وار. یومشاق و قیوراقدیرلار. الین حرکتینی تکمیل لتمک اوچون سورعتله اونا اویوم ساغلاییرلار. قورونمایان قادینین اللری اطاعت ائدرجه سینه بدنینین کناریندان ساللانیب و هردن یوخاری قالخماق ایسته دیکده سینه سیندن یوخاری قالخمیر. قورونان قادینلار آغیر یئریشلیدیرلر. آما قورونمایان قادینلار یا چوخ یاواش، یا دا چوخ سورعتله یئرییرلر. یا بئللری اَییلیب، یا دا باشلاری بدنلرینه اویومسوز بیر یوکسکلیکده یئر آلیر. اونلارین یئریشلرینین تاماشاچیسی یوخدو. اونلار کیشیلرین سؤز آتمالاریندان لذت آلمیرلار. دقتله، مهریبانلیقلا، عشقله دولو باخیشلارین اونلارا باخمایاجاغینی بیلیرلر.
قورونمایان قادین یا دئیینیر، یا بیر یئره زیلله نیر، یا دا گیجلله نیر. یا قارینقولولوغا باخیر، یا دا اؤزونو بئله تنگه گتیره جک قدر چیلیس لیک ائله ییر. قورونان قادین قوناقلیق توتور، خاریجی سفرلریندن دانیشیر، اورتا یاشلارینی کئچسه ده، سورعتلی بیر رقص ده ائلییه بیلیر. دوستلاری اونو اؤیورلر و بو قدر جاوان قالدیغی اوچون تعجبله نیرلر.قورونمایان قادین اوینامیر. دیرناقلارینی اوزاتماقدا باشاریلی ده ییر. دار بیر کؤینگی وار. او، قیزینا باخیر. اونون اَینینه کسه بیله جکمی؟
قورونان قادین کیشینی تانیییر. اوندان نه زامان و نئجه پول ایستیه جگینی بیلیر. بیر اووچو کیمی کیشی نین ضعیف یئرلرینین پوسقوسوندا یاتیر و اوندان یارارلانیر. قورونمایان قادین اؤزونو ده تانیمیر. و هر زامان ندن او و کیشیسی هئچ نه ییی عئینی آندا ایستمیرلر دئیه، تعجبله نیر. قورونمایان قادین گوناه و وجدان عذابینی دوغولمامیش ائکیزلر کیمی اؤزویله داشیییر. او، اریندن نیگراندیر، او بیریسی ایسه اؤزوندن. هر دفعه چئک-آپ ائله ییر. قان آنالیزینه گئدیر، ساغلامدیر، آنجاق انرژیسی آزالیب. خسته لیک و یاشلیلیق اونو مین اژدهادان داها چوخ قورخودور. آما قورونمایان قادین زامانین کئچمه سینی بیلمیر. دوشنبه یه سه شنبه دئییر، چرشنبه یه پنجشنبه. ارینین اوزونده کی آغ توکلری گؤرور و صاباحی دوشونور.قورونمایان قادین آغلاییر. گؤز یاشلاری بیته جک قدر آغلاییر. قورونان قادین آغلاماق و حوزنون یاری یولوندان حیاتا قاییدیر.
http://bayqush.ca
هیچ نظری موجود نیست:
ارسال یک نظر